اخوويه طويل العمر ..طرحت الموضوع ..اللي احتاج له لإجابه ..واضحه وصريحه وبعيدع عن التعصب ...وبكل صرااحه كنت انتظر ردك عليه ..
لأنه كلي ثقه انه ردك رااح يكون من منطلق قوي ومبني على اساس قوي .. مثلا لما قلت:
اخوك المدير ..اخوك الضابط ... للا اخوك اللي شلته الشرطه وللا اللي صورته بالجريده .. كلامك صح .. وواقعي ..
ردك اعجبني وحرك في داخلي مشاعر كثيره ..لأشخاص اعشقهم ولكن من بعيد لبعيد مثل ما يقولون .. لناس احب لهم الخير ..بس للأسف هم اول من يشك في حبي وودي واخلاصي لهم .. ولا الومهم وللمره الثانيه فهم ضحية ظرووووف....
ولما قلت نجاحهم ينسب لك .. اذكر من اجمل مواقفي مع اخواني من الاب على الاطلاق .. كنت اشجع اخووي من ابووي ع شي ينفعه .. و واااااااايد مهم في حياته العمليه ...وتميت ورااه سنوات طبعا بس بالتيلفون ولقاااااااآآآآت نادره جدا جدا .. واول ما حقق هدفه .. اتصل فيني اول وحده وقالي انتي اول وحده ارمسها وابشرها .. والفضل لــ الله ثم انتي في اللي انا وصلتله .. حبيبي ..كلماته عورت قلبي .. وحسسني انه وقفتي ويااه شجعته فعلا .. مع العلم انه اخووي هذا على مشارف الخامسه والثلاثين .. يعني مب يااهل ولا صغير بالعكس عنده زوجه وابناء .. بس عبر لي عن فرحته وبكل صرااحه للي وصل له ..
اخي بالنسبه للحديث مع الوالد فالله يعلم اني من اكثر الناس جرأه في الحديث مع الوالد في حقوقهم .. ولا حتى رياييل مريله يتجرأون يتكلمون .. بل بالعكس .. هم يزيدون الطين بله .. وينقلون الكلام بين الأطراف ... ولا يترددون يسممونه احيانا بشوية " سم" من عندهم !!.. وياليت لو هذيلا الرياييل لهم دخل فينا بس لأنهم محسوبين من الأقارب .....
والحمد لله بالرغم من كل البعد اللي بينا وبينهم اهم شي إنا نحن كلنا نحبهم .. ولو هذا الحب "حب محروم".. بس
الحمد لله ع كل حال ..
كثـــــــــــــــــــــــــــــير من البووح ما حملته هذه الصفحه !!!!
تحياتي واحترااامي,,,
التسجيل 
الأحد 30 أغسطس 2009, 22:34
