تنبيــــــــــــــــــــــــــــــــــــــــــــــــه

ه

سلام عليكم يا إخواني ألاعزاء وبعد..

طبعا مافي أحد مايغار على وطنه الغالي وبألاخص قريتنا ومحد يرضى يتكلم عنها بشي مو زين

الأمر الغريب الي صاير والعادة الغير طيبة الي حاصله في بلادنا في بعض من الشباب الي يروحون المزارع والنخيل ويجيب معه ع سبيل المثال كيس من الهمبا ويجلس يسبح في الفلي وياكل الهمبا ويفر قشار الهمبا عدال الفلي ويتجمع الوصخ قدام الفلي ويصير منظر الفلي شي مو طيب ....

شو راح يصير حق الي يسوي مثل هذي الحركات بعد ما يخلص من أكل الهمبا يجمعه ويحطه في كيس ويرميه في الزبالة ليه يشوه منظر المكان ..

الحمدالله الله رزقنا بنعمة الماي والمزارع ربي يديمها لنا ويحفظها من الزوال جميعا ولجميع المسلمين يارب ليه ما نحاففظ عليها وع نظافة المكان (النظافة من الأيمان) ترا النعمة زوالة ياناس..

صدقوني في زوار تجي من برع البلاد يجون يشوفون الفلي ف إذا شافو منظر الفلي كذا وألاوصاخ متجمه في كل مكان شو راح يقولون ..؟

أقل شي بيقولون مادام فليهم وصخ اكيد أهلها وصخين ...

أرجو الرد والمشاركة ع هاذا الموضوع لأنها عادة مو طيبة

وتضر بسمعة الفلي

كلامك مضبوط لو كنت كاتب الموضوع من10 سنوات قبل[center]

لا اعتقد بان الهمبا الان بتلك الكثره التي كان عليها منذ 10 سنوات

الي حاصل ان البركه قلت وبالتالي الهمبا مات الامارحم ربي

لذا لااعتقد ان مايحصل عند الشريعه من رمي قشر الهمبا يرقى الى ظاهره

لان من يقوم بذلك هم قله ولن يؤثر في المنظر العام

تشكر مره اخرى hamid saif على موضوعك الشيق

بارك الله فيك Shocked

كلامك كله صدج وانشالله الكل يقرا الموضوع ويسمعون الكلام
وتسلم

كلامك صح 100% وانشاء الله يتقبلون النصيحه

ااخوك:alhoom
Smile

مشكووور اخووويه على الموووضوع وربي لا هانك ان شالله

بصراحه كلامك كله صح على الاقل بعد ما يخلصووون يحطووون الاكل في الكيس ما بينقص منهم شي بس الفلي احين وايد تغيرت مب شرات قبل
ليش ما نخلي اللي ايونا من زووووار يمدحووون الفلي وحلاتها احس الفلي مب شرات قبل للاسف يعني

والسموحه منكم

اختكم

حكومة الفلي

الخيزرانه غايبه عنهم ،،، حتى اليعد يوم ياكلن ما يخيسن المكان مثل ما يسوون ،، لا وبعد البنات طالعاتلنا فيها ، شفتهن في العروس يوم بسهن من الأكل من الصينية العودى اللي مخلايه جدامهن يصككن العيش من كل صوب وما ياكلن منه ويوم بسهن عجن قشر البرتغال فوق العيش لا وبعد يتغسلن فوق الصينية ، يبن يخسفبنا الله يخسفبهن،، الوحده لو تدري يدوتها شوه كانت تاكل ما سوت اللي سوته .

تسلمون أخواني وأخواتي على الرد ربي يحفظكم من كل شر يارب ...

بس الردود قليلة ماعليه ....

وتسلموووووووووووووووووووووووووووووووون ~ْ What a Face

صح رسة اخووويه هدووووب

يعني البنات يعقن الووووصخ عل السماط تراهم عاطينهم سماطات حق بس يشوووفونهم

يعطيج الف عافية ياا حكومة الفلي ،،،

نتظهر الاحلى ،،

مزيون Shocked

تسلم الغالي حامد ولاهانت يمينك بصراحه موضوع يستاهل الطرح

يسلموووو ع الطرح الرائع ..

بصراحه كلامك صحيح ..
وعين العقل بعد ..
لان نظافه البلاد دليل ع نظافه اهلها ..
والسمووحه ..

موضوع طيب... الفلي نعمه الله انعمها على هذي البلاد الطيبه و لازم نحافظ عليها انا احب اسبح في الشريعه و اكل مانجو حماس بس لما اخلص سبحه النظف المكان و نشكر (((الهامور))) الذي ساهم مساهمه كبيره في المحافظه ع الفلج و الذي منع الوافدين البنقله من اغتسالهم في الشريعه لانهم السبب الرئيسي في توسيخ المكان

موضوع طيب... الفلي نعمه الله انعمها على هذي البلاد الطيبه و لازم نحافظ عليها انا احب اسبح في الشريعه و اكل مانجو حماس بس لما اخلص سبحه النظف المكان و نشكر (((الهامور))) الذي ساهم مساهمه كبيره في المحافظه ع الفلج و الذي منع الوافدين البنقله من اغتسالهم في الشريعه لانهم السبب الرئيسي في توسيخ المكان

انا رايي من راي هدوووب ....

تسلم ع الموضوع اخوي ... وهذا تنبيه جيد

ويا ريت الاخوان ينتصحوا بها ....

صاحب السمو كتب:: انا رايي من راي هدوووب ....

اللي مثلك وشرواك فاهم ويغار على بلاده ، لكن البغمان شوه نسويبهم ؟ Very Happy

تسلمون إخواني على الردوود وأمانة ترى الفلج نعمة ولازم نشكر الله عليها ....قال تعالى (وإن شكرتم لأزيدنكم) صدق الله العظيم

تحيــــــــــــــــــــــــاتي لكم أخواني وربي يحفظكم........

What a Face

مشكووووووور اخوي علئ هل الموضووووع الله يسلللمك Very Happy

أشكرك أخي على هذا الموضوع الجيد كما أشكر فيك غيرتك على بلادك وأتمنى لك كل التوفيق إنشاء الله.

تحياتي - أخوك البسطي

موضوع وايد حلو

بس بصراحه النخيل الحين مو مثل نخيل اول الحين كلها ماتت

واللي نساها بس مخلنها قطعه ارض غير كم وحده والبركه فشوابنا الله

يطول عمارهم والله هم بركه هالبلاد ولو ما هم ما ندري شو بيصير

وين النخيل اول وين الحين

قبل تلقى النخيل متروسه ناس سايره راده والحين يالله يالله تشوف واحد

بالغلط طايف ترى الواحد ما يقدر النعمه اللي عنده الا لما يفقدها وعسى

ما نفقدها قولوا آمــــــــــــــيــــــــــــــــــــن

كلمك صحيح وعين اصوب مشكور Shocked

مشكور ي هتلر على المشاركة ... لكن هذا التدهور بسبب اهمال الشباب للنخيل وعدم الاهتمام بها وزراعتها كلما ماتت .... فلو على سبيل المثال كل واحد زرع همباة ولا لوميه على يارح الفلي او في النخيل ... وكل واحد اهتم بنخلة ومزرعتة بتشوف الفلي ترجع الى جمالها ورونقها مرة ثانية .... وترى الزراعة فيها خير للي يعرف قدرها... اريد من كل الشباب الصغير قبل الكبير يكون شعارهم في الفلي "ازرع شجره" .... وصدقني بتكون لك صدقة جارية طول العمر وبعد الممات...